Oct 9, 2009

ഒബാമയ്ക്ക് നോബല്‍ സമ്മാനം, മാറ്റത്തിനുള്ള അംഗീകാരം ...?

യുദ്ധവെറി പൂണ്ട ഒരു ഭരണാധികാരിയില്‍ നിന്നും സ്വല്പം സമാധാനം ആഗ്രഹിക്കുന്ന ഭരണാധികാരിയിലേക്കുള്ള മാറ്റം... ഈ മാറ്റത്തിനുള്ള അംഗീകാരം എന്ന നിലയ്ക്ക് ഈ അവാര്‍ഡിന്നെ ഒരു പക്ഷെ നിരീക്ഷിക്കാം. വര്‍ണവെറിയുടെ നെറി കെട്ട വിശ്വരൂപം കാണുകയും അനുഭവിക്കുകയും ചെയ്തു ബരാക്ക് ഹുസൈന്‍ ഒബാമ. അനുഭവങ്ങളുടെ തീക്ഷ്ണത ഈ കറുത്ത വര്‍ഗക്കാരന്റെ പ്രായോഗിക രാഷ്ട്രീയത്തിലും പ്രതിഫലിച്ചു.

മുന്‍ഗാമിയുടെ നേരും നെറിയുമില്ലാത്ത രീതിയില്‍ നിന്നും മാറ്റത്തിന്റെ സന്ദേശവുമായി പ്രസിഡന്റ്‌ പദമേറ്റ ഒബാമയുടെ ഇതു വരെയുള്ള നയനിലപാടുകള്‍ പല രീതിയിലും വിലയിരുത്തപ്പെടുന്നു. അധികാരത്തിന്റെ സിരാകേന്ദ്രങ്ങളില്‍ പിടിമുറുക്കിയ സയണിസ്റ്റു ലോബി ഒബാമയുടെ മേലും സ്വാധീനമുറപ്പിച്ചിരിക്കുന്നു എന്നതാണ് ഒരു ശക്തമായ വിലയിരുത്തല്‍. ഇസ്രായേലിന്റെ ഇംഗിതത്തിനനുസൃതമായി വീണ്ടും കരുക്കള്‍ നീക്കിക്കൊണ്ടിരിക്കുന്നു. ഇറാനെതിരെ ഒരു യുദ്ധം ഒബാമ ആഗ്രഹിക്കുന്നില്ലെങ്കിലും ഒരു യുദ്ധ സാധ്യത നിരീക്ഷകര്‍ കാണുന്നു. ഇറാഖില്‍ നിന്നും അഫ്ഘാനില്‍ നിന്നും പാഠം പഠിക്കുന്നില്ല, അഥവാ അനുവദിക്കുന്നില്ല. ഇറാന്റെ സങ്കല്‍പ്പത്തിലെ അണുബോംബുകളെ കുറിച്ച് വേവലാതിപ്പെടുന്നവര്‍ സയണിസ്റ്റുകളുടെ കൈവശമുള്ള അണു ബോംബുകളെകുറിച്ച് മിണ്ടുന്നില്ല.

www.obamadeception.net
ചില മിത്തുകളും യഥാര്‍ത്യങ്ങളും അവതരിപ്പിക്കുന്നു. ഭരണ കേന്ദ്രങ്ങളിലെ പിന്നാമ്പുറ വര്‍ത്തമാനങ്ങളും ഉപജാപങ്ങളും വെളിപ്പെടുത്തുന്നു. അമേരിക്കയുടെ അധികാര പര്‍വത്തിലെത്തിയ ആദ്യ കറുത്ത വര്‍ഗക്കാരെന്നെതിരെയുള്ള ആസൂത്രിത നീക്കം ഒരു പക്ഷെ തള്ളിക്കളയാന്‍ വയ്യെങ്കിലും എവിടെയൊക്കെയോ ചില പന്തികേടുകള്‍ അനുഭവപ്പെടുന്നു എന്നത് വ്യക്തം.

ഏതായാലും ഒരു പാട് അനുഭവ സമ്പത്തുള്ള, പല കാര്യങ്ങളും ആത്മാര്‍ഥമായി തന്നെ നടക്കണമെന്നു ആഗ്രഹിക്കുന്ന ഒബാമക്ക് അതിനു കഴിയട്ടെ എന്ന് ആശംസിക്കാം. പണക്കൊഴുപ്പും കരുത്തുമല്ല, സദാചാരത്തിന്റെയും ആദര്‍ശത്തിന്റെയും ആന്തരിക ശക്തി കൊണ്ടേ മാറ്റങ്ങള്‍ സൃഷ്ടിക്കാന്‍ കഴിയൂ എന്ന് തെളിയിച്ച ഗാന്ധിജിയെ ഞാന്‍ ആരാധിക്കുന്നുവെന്നു പ്രഖ്യാപിച്ച ഒബാമയ്ക്ക് ആ മാര്‍ഗം പിന്തുടരാനും സമാധാനത്തിന്റെ മാര്‍ഗത്തില്‍ താനാഗ്രഹിക്കുന്ന മാറ്റം നടപ്പാക്കാനും കഴിയട്ടെ.

5 അഭിപ്രായങ്ങള്‍:

OpenThoughts said...

പണക്കൊഴുപ്പും കരുത്തുമല്ല, സദാചാരത്തിന്റെയും ആദര്‍ശത്തിന്റെയും ആന്തരിക ശക്തി കൊണ്ടേ മാറ്റങ്ങള്‍ സൃഷ്ടിക്കാന്‍ കഴിയൂ എന്ന് തെളിയിച്ച ഗാന്ധിജിയെ ഞാന്‍ ആരാധിക്കുന്നുവെന്നു പ്രഖ്യാപിച്ച ഒബാമയ്ക്ക് ആ മാര്‍ഗം പിന്തുടരാനും സമാധാനത്തിന്റെ മാര്‍ഗത്തില്‍ താനാഗ്രഹിക്കുന്ന മാറ്റം നടപ്പാക്കാനും കഴിയട്ടെ.

പാമരന്‍ said...

good thoughts

chithrakaran:ചിത്രകാരന്‍ said...

മനസ്സില്‍ മഹാത്മാഗാന്ധിയെ പ്രതിഷ്ഠിക്കാനായി എന്ന്
സാക്ഷ്യം പറയുന്ന ഒബമയില്‍ നമുക്കു പ്രതീക്ഷിക്കാനാകുന്ന നന്മയുടെ സൂര്യപ്രകാശമുണ്ടാകാം.

ചിന്തകന്‍ said...

തനിക്കാവുന്നത് ഒബാമ ചെയ്യാന്‍ ശ്രമിക്കുന്നുണ്ടാവാം. എത്രത്തോളം അത് വിജയം കാണുന്നുണ്ട് എന്നുള്ളത് വേറെ കാര്യം. എന്തായാലും അദ്ദേഹത്തിന്റെ ആ ശ്രമങ്ങള്‍ക്കും ആത്മാര്‍ത്ഥതക്കുമുള്ള പ്രോത്സാഹനമാണ് ഈ സമ്മാനമെങ്കില്‍ അത് ഉചിതം തന്നെ...

ന്നല്ല വിലയിരുത്തല്‍ ഒപണ്‍ തോഹ്ട്സ്.

ജിപ്പൂസ് said...

നല്ല നിരീക്ഷണം.നന്നായിരിക്കുന്നു സുഹൃത്തേ...